Ямар нэг зүйлийг, үйлдлийг төсөөлөн бодно. Түүндээ сэтгэл хөдлөн догдлоно. Маш их хүснэ. Харин бүтэхгүй бол хэт их хүссэн болохоор гонсойно. Үүнээс болоод заримдаа гутрана, шантрана. Цөөн хэсэг нь дахин зориглоно, түүнээсээ суралцана. Алдаагаа ойлгоод сэтгэл хөдлөл хэт төсөөлөлөө удирдан ахин оролддог...
Үүнтэй адил хэн нэгэн хүн, найз, хамтрагч, хайр гэх мэт хүмүүсээсээ өөрийн төсөөлөл хүслээр зүйлсийг хүснэ, шаардана, горьдоно. Тэр төсөөлөл нь үл бүтвэл гомдоно, уурлана, гоншигноно. Байдал улам дордоно. Ийм асуудлууд энд тэнд өрнөхийг цөөнгүй харж байлаа. Надад тохиолдох нь:

Гадаад улсад амьдардаг удаан уулзаагүй найз минь намайг очихыг мэдээд холбоо барьж догдолсоноо мэдэгдэж - Би бол тийм эрхтэй биздээ. Ингэнэ биздээ тэгнэ биздээ гэхээс эхлэн сэтгэл хөдлөл нь нэлээн өндөр байгаа нь мэдэгдэж байлаа. - Ямартай ч очьё тэгээд сайхан уулзацгаая гээд тухайн улсыг зорьлоо. 10 цаг нисэн буугаад, Ажлаар очсон болохоор эхлээд ажлын хүмүүс тосоод гэрт нь очиж хоол идэнгээ ажлаа яахаа ийх талаар яриад интернет орсонгүй 1,2 цаг орчим болоод гадагшаа гарч -За ажлаа ярьчихсан. Одоо найзтайгаа уулзая гээд утсаа шалгатал: -Чи найз байж надтай уулзаагүй, би дутуу үнэлэгдлээ, чи өөр болж гэх мэт зүйлсийг бичжээ. Тайлбаласан боловч үл сонсон, сонсох унших ч сөхөөгүйгээр өөдөөс маш их гомдол, уур, үзэн ядалт, хараал ирлээ. Нэлээн ярилцах гэж ойлгуулахыг оролдсон ч би чадсангүй.

Бид уужим байх, юу болж байгааг бодитоор ойлгож хүлээн авахаас илүү Хэт өөрийгөө хохирсон мэт, дутуу үнэлэгдсэн мэт ханддаг болж ийм сэтгэлзүйнээсээ болоод байдлыг улам хүндрүүлж сайхан харилцаануудаа хүртэл сонин болгож байна уу, үгүй юу.